Pandai Baminyak Aia

MCC, Padang - Jauah jalan banyak nan dicaliak, lamo hiduik banyak nan dirasoi. Itu nan biaso didanga dek urang tuo-tuo dulu nan namonyo istilah dulu tu. Sabananyo kan iyo pulo tu, urang nan hiduik iyo banyak aka. Bayangkan, urang maso kini banyak nan cadiak pandai, ado juo nan andia bodoh. Ibaraik keceknyo nan lalok makanan jago. Sabab nan takalok tantu iyo nyo makan dek nan jago. Walau istilah tu lah dianggap kuno, namun urang candiak pandai kini banyak juo mamprektekan istilah tu. Antah itu dalam soal baga’ua, babisnis, antah itu dalam soal jabatan, antah itu dalam soal politik dan sosial bagai, mungkin juo pado maso Pilkada bagai? Tatap sajo dipagunokan dek urang nan galiah alias cadiak mungkin?

Dibaliak itu ado pulo kurenah nan gayanyo sarupo tapi indak samo. Nan namonyo manusia tantu iyo banyak akanyo. Tapi alah kecek urang dulu, hiduik baraka mati ba-iman, dima lo latak cadiak awak kok indak di pagunokan aka tu? Namun ditangah-tangah urang sadang bakucatak, heboh jo caro nan awak bicarokan tadi tu., adoloh kurenah urang nan bantuaknyo saroman urang ka mati, tapi akanyo indak hilang. Pandangan matonyo sameter saroman ka lalok, tapi pangananyo babalik-balik. Takahnyo lai takah sipuluik, tapi kok ditanak badarai juo? Kurenah urang nan saroman iko ko banyak juo tasuo di zaman nan maju kini ko. Otanyo salangik isi kapalonyo banyak nan begok. Ota gadang, amuah lo tinggi ruok dari pado boto/ Ditangah-tangah ka gaduahan, heboh, sarato urang dalam kasusahan, baliau manyalek lo manjadi urang nan balagak suko mambantu alias